Milli Məclisin deputatı Naqif Həmzəyev Naxçıvan Muxtar Respublikasında ali təhsil müəssisələrinin sayının artırılmasını təklif edib.

“NAXÇIVANXƏBƏRLƏRİ” məlumat verir ki, o, bu barədə parlamentin 17 sentyabrda keçirilən İnsan hüquqları komitəsinin iclasında fikir səsləndirib.

Hazırda Naxçıvanda bir universitetin olduğunu xatırladan deputat söyləyib ki, muxtar respublikada daha çox ali məktəb açmaq üçün potensial mövcuddur:

“Burada hətta 5 univeritet də açmaq olar. Naxçıvanın böyük potensialı, geniş küçələri və prospektləri vardır. Burada tıxac yoxdur, qiymətlər isə xeyli aşağıdır. Kaş Bakı da Naxçıvan kimi olardı, adamın gedib Naxçıvanda yaşamağı gəlir. Hesab edirəm ki, Naxçıvanda daha çox universitetlər yaradılmalıdır ki, Bakıda tələbələr gedib orada oxusunlar”.