Naxçıvan Muxtar Respublikasında pensiyaçıların sayı və onlara təyin olunan orta aylıq pensiya məbləği rayonlar üzrə fərqlənir.

"NAXÇIVANXƏBƏRLƏRİ" məlumat verir ki, Dövlət Statistika Komitəsinin məlumatına əsasən, 2026-cı ilin əvvəlinə Naxçıvan şəhərində 9 min 425 nəfər pensiyaçı olub.

Muxtar respublikanın rayonları üzrə ən çox pensiyaçı Şərur rayonunda qeydə alınıb. Belə ki, rayonda pensiyaçıların sayı 9 min 133 nəfər təşkil edib.

Pensiyaçıların sayına görə növbəti yerlərdə Babək rayonu 6 min 906 nəfərlə, Ordubad rayonu 4 min 349 nəfərlə, Culfa rayonu 3 min 779 nəfərlə, Şahbuz rayonu 2 min 867 nəfərlə və Kəngərli rayonu 2 min 617 nəfərlə qərarlaşıb.

Ən az pensiyaçı isə Sədərək rayonunda qeydə alınıb. Rayonda 1 min 785 nəfər pensiyaçı var.

Məlumata görə, orta aylıq pensiya məbləği baxımından Naxçıvan şəhəri yüksək göstəricilərdən biri ilə seçilir. Şəhərdə orta aylıq pensiya məbləği 454,41 manat təşkil edib.

Şahbuz rayonunda da orta aylıq pensiya məbləği yüksək olub. Burada bu göstərici 436,38 manat təşkil edib.

Açıqlanan göstəricilər Naxçıvan Muxtar Respublikasında pensiyaçıların sayının rayonlar üzrə fərqli olduğunu, orta aylıq pensiya məbləğinin isə ayrı-ayrı ərazilərdə yüksək səviyyədə olduğunu göstərir.