Fullkontakt kyokuşin karate üzrə II Avropa Kubokunda iştirak edəcək Azərbaycan millisinin üzvləri Belçikanın Antiverpen şəhərinə yollanıblar.

"NAXÇIVANXƏBƏRLƏRİ" məlumat verir ki, yığma turnirdə baş məşqçi Samir Məmmədovun rəhbərliyi altında 8 idmançı ilə mübarizə aparacaq.

Mail Abdullayev ölkəmizi hakim qismində təmsil edəcək.

Avropa Kubokunda ilk üç yeri tutmuş karateçilər fullkontakt kyokuşin karate üzrə dünya çempionatına lisenziya qazanacaq. Millimiz yarışa Azərbaycan Karate Federasiyasının kontakt karate üslubları üzrə vitse-prezidenti Allahverdi Rüstəmovun rəhbərliyi altında yollanıb.

Qeyd edək ki, turnir noyabrın 23-dən 24-dək davam edəcək.