Naxçıvan yaş barama istehsalında ölkə lideri, Babək rayonunun Şıxmahmud kəndi isə muxtar respublika üzrə ikinci olub

"NAXÇIVANXƏBƏRLƏRİ" məlumat verir ki, Naxçıvan Muxtar Respublikası bu il yaş barama istehsalına görə ölkə üzrə birinci olub.

Bu uğurda Babək rayonunun da mühüm payı var. Belə ki, rayonun Şıxmahmud kəndi 103 kiloqram yaş barama tədarük edərək Naxçıvan Muxtar Respublikası üzrə ikinci yeri tutub.

Əldə olunan nəticə rayonda baramaçılığın inkişafına göstərilən dövlət dəstəyinin, kümçülərin zəhmətinin və bu sahəyə olan marağın artmasının bariz nümunəsidir. Rayonda baramaçılığın inkişafı istiqamətində görülən işlər bundan sonra da davam etdiriləcək.