Naxçıvan Muxtar Respublikasında Azərbaycan Respublikasının ərazi bütövlüyünün müdafiəsi ilə əlaqədar yaralananların, şəhid ailələrinin və müharibə veteranlarının sosial təminatına dəstək məqsədilə yaradılmış “Dəstək” Fondu 2024-cü ilin yanvar-dekabr ayları ərzində 1.088.277 manat vəsait xərcləyib.

"NAXÇIVANXƏBƏRLƏRİ" məlumat verir ki, fondun fəaliyyəti çərçivəsində ayrılan vəsaitlər aşağıdakı istiqamətlər üzrə istifadə edilib:

Müalicə və psixoloji dəstək: 192 nəfərə 137.406 manat.

Məişət şəraitinin yaxşılaşdırılması: 336 nəfərə 716.530 manat.

Borc öhdəliklərinin qarşılanması: 23 nəfərə 183.704 manat.

Təhsil haqqının ödənilməsi: 3 nəfərə 10.300 manat.

Digər xərclər: 40.337 manat.

“Dəstək” Fondu Naxçıvanda ehtiyacı olan vətəndaşlara yardımların davamlı şəkildə göstərilməsini təmin edir. Fonddan verilən məlumata görə, bu yardımlar cəmiyyətin həssas təbəqələrinin sosial müdafiəsinin gücləndirilməsinə xidmət edir.