Naxçıvan Muxtar Respublikası Ekologiya və Təbii Sərvətlər Nazirliyinin, eləcə də Nazirliyin tabeliyində fəaliyyət göstərən qurumların əməkdaşları tərəfindən Naxçıvan–Şahbuz avtomobil yolunun 11-ci kilometrliyində, yolun sol hissəsində terras üsulu ilə salınmış təpəlik ərazidə ağaclara aqrotexniki qulluq göstərilib.

"NAXÇIVANXƏBƏRLƏRİ" məlumat verir ki, ümumi sahəsi 12 hektar olan ərazidə dibçəkdə yetişdirilən həmişəyaşıl tinglər əkilib, həmçinin əvvəlki günlərdə yenilənən damcılı suvarma xətləri vasitəsilə ağacların suvarılması təmin edilib və zərərvericilərə qarşı müvafiq tədbirlər görülüb.