Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxs tərəfindən bu ilin yanvar-iyun ayları ərzində ümumilikdə 4390 daşınmaz əmlak obyektinə dair texniki sənəd hazırlanıb. 

Naxçıvan Muxtar Respublikasının İqtisadiyyat Nazirliyinin mətbuat xidmətində "NAXÇIVANXƏBƏRLƏRİ" -nə verilən məlumata əsasən, bunlardan 1602-si daşınmaz əmlakın texniki pasportu, 2788-i isə torpaq sahəsinin planı və ölçüsüdür.

Hesabat dövründə 414 torpaq sahəsi, 86 mənzil, 60 qeyri-yaşayış binası, 52 fərdi yaşayış evi və 43 qeyri-yaşayış sahəsi olmaqla, ümumilikdə 655 daşınmaz əmlak obyektinə yeni ünvan verilib ki, bu da ötən ilin eyni dövrü ilə müqayisədə 37,3 faiz çoxdur.