Bu münasibətlə Naxçıvan Şəhər 10 nömrəli tam orta məktəbdə tədbir keçirilib. Tədbirə şəhidin anası Gülşad Rüstəmli, digər şəhid ailələri, Naxçıvan şəhər İcra hakimiyyətinin məsul şəxsləri, Naxçıvan Şəhid Ailələri İctimai birliyinin üzləri dəvət edilib.

Əvvəlcə Ulu öndər Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əzizi xatirəsi bir dəqiqəlik sükutla yad edilib. Dövlət himni oxunub.

Sonra məktəbin direktoru Məftunə İbrahimova qonaqları salamlayaraq tədbirdə də iştirak edən şəhid ailələrini öz minnətdarlığını bildirib.

Naxçıvan şəhər İcra hakimiyyətinin şöbə müdiri İsmayıl Gülməmmədov çıxışında 44 günlük Vətən müharibəsində Emin Sadiqov kimi qəhrəman övladlarımızın göstərdiyi şücaətdən danışıb və belə övladları Vətənə bəxş edən qəhrəman analara Gürşad xanımın timsalında öz ehtiramını bildirib.

Sonra məktəblilər Emin Sadiqov un həyat və döyüş yolu barədə məlumat verib, vətənpərvərlik mövzüsünda qələmə alınmış şeir və mahnılar səsləndiriblər. İbtidai sinif şagirdlərinin hazırladığı səhnəcikdə böyük maraqla gizlənib.

Şəhid anası Gülşad xanım da öz çıxışında məktəb direktoruna, sinif rəhbərliyinə və şagirdlərə belə bir təşəbbüsə görə öz minnətdarlığını bildirib.

Sonda xatirə fotosu çəkdirilib.

Emin Sadiqov 1998-ci il iyulun 21-də Şahbuz rayonunun Şahbuzkəndində anadan olub. İlk təhsilini 2004-cü ildə Cəlil Məmmədquluzadə adına Naxçıvan şəhər 2 nömrəli tam orta məktəbində alıb. 2008-2010-cu illərdə Naxçıvan şəhər 7 nömrəli məktəbdə təhsil almış, daha sonra yenidən Cəlil Məmmədquluzadə adına Naxçıvan şəhər 2 nömrəli məktəbdə təhsilini davam etdirmişdir. 2012-ci ildə Cəmşid Naxçıvanski adına hərbi liseyə daxil olmuş və 2015-ci ildə liseydən məzun olaraq Heydər Əliyev adına Azərbaycan Ali Hərbi Məktəbində təhsilini davam etdirmişdir. 2019-cu ildə Heydər Əliyev adına Azərbaycan Ali Hərbi Məktəbini bitirmişdir.

Atası Rəşadət Arif oğlu Sadiqov 2009-cu ildə vəfat etdikdən sonra anası Gülşad xanım oğluna həm ata, həm ana olub.

2019-cu ildə Heydər Əliyev adına Azərbaycan Ali Hərbi Məktəbini bitirən Emin Sadiqov Qazax rayonuna təyinat almış, burada ilk peşə fəaliyyətinə başlamışdır. 5 oktyabr 2020-ci ildə Füzuliyə yollanmış, döyüşlərdə böyük şücaət göstərmiş, komandiri Şəhid baş leytenant Rauf Əsgərovun yaralandığını görüb ona kömək etmək istərkən 26 oktyabr 2020-ci il şəhidlik zirvəsinə ucalmışdır. 2020-ci il oktyabrın 30-da anadan olduğu Şahbuzkənd qəbristanlığında torpağa tapşırılıb.

Azərbaycanın müstəqilliyini və ərazi bütövlüyünü canı bahasına qoruyan, döyüşdə göstərdiyi qəhrəmanlığa görə ölkə Prezidenti İlham Əliyev tərəfindən ölümündən sonra “Füzulinin azad olunmasına görə”, “Vətən uğrunda”, “Döyüşdə Fərqlənməyə görə” medalları “III dərəcəli Rəşadət” ordeni ilə təltif olunub.

Ruhu şad olsun!.

Bəxtiyar ƏLİYEV

Azərbaycan Jurnalistlər Birliyinin üzvü

Naxçıvan Şəhid Ailələri İctimai Birliyinin mətbuat katibi