Azərbaycanda aqrar informasiya məsləhət sistemi formalaşdırılacaq.

"NAXÇIVANXƏBƏRLƏRİ" məlumat verir ki, bu məsələ "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026−2030-cu illər üçün Dövlət Proqramı"nda əksini tapıb.

Sənədə əsasən, ölkədə 2027-2030-cu illərdə aqrar informasiya məsləhət sistemi üzrə institusional model hazırlanacaq.

Eyni zamanda, müvafiq normativ hüquqi bazanın və institusional çərçivənin formalaşdırılması, bu sahədə görüləcək işləri özündə ehtiva edən konsepsiya sənədinin və tədbirlər planının hazırlanması; İnformasiya-məsləhət xidmətlərinin rəqəmsallaşdırılması istiqamətində imkanların müəyyənləşdirilməsi, ölkə üzrə informasiyaməsləhət xidmətləri şəbəkəsinin yaradılması nəzərdə tutulub.