Sual: Ətraf mühitin mühafizəsi sahəsində dövlətin qarşısında hansı vəzifələr dayanır ?

Cavab: Ətraf mühitin mühafizəsi sahəsində dövlətin vəzifələri “Ətraf mühitin mühafizəsi haqqında” Azərbaycan Respublikasının qanunda qeyd edilmişdir. Belə ki, həmin vəzifələrə aşağıdakılar daxildir:

1. ətraf mühitin ekoloji tarazlıq və təbiətdən istifadənin müxtəlif sahələri üzrə proqramları hazırlamaq;

2. dövlət ekoloji ekspertizasını təşkil etmək;

3. ətraf mühitin, heyvanlar və bitki aləminin mühafizəsinə, bərpasına və istifadəsinə dövlət nəzarətini həyata keçirmək;

4. heyvanlar və bitki aləminin nadir və yer üzündən yox olması təhlükəsinə məruz qalmış növlərinin dövlət kadastrını aparmaq (“Qırmızı kitab”ı nəşr etmək);

5. beynəlxalq əməkdaşlığı həyata keçirməkdir.

Sualı cavablandırdı: Babək rayon prokurorluğunun müstəntiqi III dərəcəli hüquqşünas Gülçin İsgəndərova