Naxçıvan Muxtar Respublikası Ədliyyə Nazirliyinin Penitensiar Xidmətinin Qarışıq Rejimli Cəzaçəkmə Müəssisəsinə media nümayəndələrinin səfəri təşkil edilib.

"NAXÇIVANXƏBƏRLƏRİ" məlumat verir ki, jurnalistlər cəzaçəkmə müəssisəsində məhkumların gündəlik həyat şəraiti ilə yaxından tanış olublar. İlk olaraq Penitensiar Xidmətin inzibati binasına baxış keçirilib. Daha sonra məhkumlarla görüş təşkil edilib, onların yaşayış şəraiti və məşğulluğu barədə ətraflı məlumat verilib.

Media nümayəndələri müəssisədə fəaliyyət göstərən emalatxanaya da baş çəkiblər. Burada məhkumların hazırladığı əl işləri ilə tanış olub, onların məşğulluq imkanları haqqında suallar ünvanlayıblar.

Görüş zamanı məhkumlar jurnalistlərin suallarını cavablandırıb və müəssisədə yaradılan şəraitlə bağlı fikirlərini bölüşüblər.