Azərbaycan Ordusunda “Ən yaxşı İnformasiya Texnologiyaları (IT) mütəxəssisi” adı uğrunda yarış keçirilib. 

Bu barədə "NAXÇIVANXƏBƏRLƏRİ"-nə Müdafiə Nazirliyindən məlumat verilib.

Müdafiə nazirinin birinci müavini - Azərbaycan Ordusunun Baş Qərargah rəisinin təsdiq etdiyi tədbirlər planına əsasən, iki mərhələ üzrə keçirilən yarışın əvvəlində hərbi qulluqçulara şərtlər izah olunub və kibertəhlükəsizlik qaydaları çatdırılıb.

Çıxış edənlər iştirakçılara uğurlar arzulayaraq bildiriblər ki, Azərbaycan Ordusunun "Rəqəmsal Ordu" formatında inkişafı bölmələrin müasir texnologiyalarla daha çevik və effektiv idarə edilməsinə geniş imkanlar yaradır. 

IT sahəsində ixtisaslaşmış hərbi qulluqçuların bilik və bacarıqlarının artırılması məqsədilə keçirilən yarışda zabitlərin nəzəri bilikləri test üsulu, praktiki bacarıqları isə virtual platformalar üzərində yoxlanılıb.

Sonda qaliblərə mükafatlar təqdim olunub.