"NAXÇIVANXƏBƏRLƏRİ" məlumat verir ki, müraciətdə deyilir:

Azərbaycan Respublikasının Prezidenti

Zati-aliləri cənab İlham Əliyevə

Möhtərəm cənab Prezident!

Sizin müdrik və uzaqgörən rəhbərliyinizlə Azərbaycanın bütün bölgələrində olduğu kimi, qədim Naxçıvan diyarında da genişmiqyaslı quruculuq və abadlıq işləri uğurla həyata keçirilir, iqtisadiyyatımız davamlı şəkildə inkişaf edir. Dövlətimiz tərəfindən sahibkarlığın inkişafına göstərilən diqqət və qayğı bizi daim yeni nailiyyətlərə ruhlandırır.

Xüsusilə qeyd etmək istərdik ki, 2026-cı il üçün Naxçıvan sahibkarlarına şamil edilən yeni vergi və gömrük güzəştləri, habelə biznes mühitinin daha da yaxşılaşdırılması istiqamətində qəbul etdiyiniz mühüm qərarlar bizi dərin məmnunluq hissi ilə sevindirmişdir. Bu güzəştlər Sizin Naxçıvanın iqtisadi potensialının gücləndirilməsinə, eləcə də blokada şəraitində fəaliyyət göstərən sahibkarlara göstərdiyiniz xüsusi diqqət və həssas münasibətin bariz nümunəsidir.

Yaradılmış bu əlverişli şərait və verilən imtiyazlar bölgədə investisiya mühitinin canlanmasına, yerli istehsalın genişlənməsinə və yeni iş yerlərinin yaradılmasına mühüm töhfə verəcəkdir. Biz – Naxçıvan Muxtar Respublikasının sahibkarları olaraq, göstərdiyiniz yüksək etimadı doğrultmaq, muxtar respublikanın və bütövlükdə Azərbaycanın iqtisadi qüdrətinin daha da artmasına töhfə vermək üçün bundan sonra da bütün imkanlarımızla çalışacağımıza Sizi əmin edirik.

Möhtərəm Ali Baş Komandan!

Bir daha Sizi bu əlamətdar bayramlar münasibətilə ürəkdən təbrik edir, Sizə möhkəm cansağlığı, uzun ömür, müstəqil Azərbaycanın tərəqqisi naminə yorulmaz fəaliyyətinizdə yeni-yeni uğurlar arzulayırıq.

Dərin hörmət və ehtiramla,

Naxçıvan Sahibkarlar Konfederasiyası

1 yanvar 2026-cı il