NAXÇIVAN ŞƏHƏR İSTİLİK TƏSƏRRÜFATI İDARƏSİ tərəfindən Naxçıvan şəhəri ərazisində istilik mərkəzlərinin modernizasiyası, yenidən qurulması və təmiri ilə bağlı satınalma müsabiqəsi elan edilib.

"NAXÇIVANXƏBƏRLƏRİ" bu barədə dövlət satınalmalarının həyata keçirildiyi vahid internet portalına istinadla xəbər verir.

Məlumata görə, layihə çərçivəsində istilik mərkəzlərinin əsaslı şəkildə yenilənməsi, müvafiq avadanlıqların və mal-materialların alınması, həmçinin onların quraşdırılması işləri həyata keçiriləcək.

Satınalma müsabiqəsi “Naxçıvan şəhəri ərazisində istilik mərkəzlərinin modernizasiyası, yenidən qurulması və təmiri (müvafiq avadanlıqların, mal-materialların alınması, quraşdırılması daxil olmaqla) işləri” adı ilə elan olunub.

Satınalan qurumun VÖEN-i 0200085621, hüquqi ünvanı isə Naxçıvan şəhəri, Xətai məhəlləsi 4/40 olaraq göstərilib.

Müsabiqə ilə bağlı elan 22 may 2026-cı il tarixində dərc olunub. Elana son düzəliş isə 14 may 2026-cı il saat 16:10-da edilib.