Dövlət İmtahan Mərkəzi (DİM) ümumi (9 illik) orta təhsil səviyyəsi üzrə buraxılış imtahanlarının şəhər və rayonlar üzrə keçirilmə qrafikini açıqlayıb.

"NAXÇIVANXƏBƏRLƏRİ" məlumat verir ki, rəsmi qrafikə əsasən, Naxçıvanda 9 illik buraxılış imtahanı 26 aprel tarixində keçiriləcək. İmtahan həmin gün ölkənin bir sıra digər şəhər və rayonlarını da əhatə edəcək.

Qeyd edək ki, imtahana buraxılış vərəqələri hər imtahan günündən 5 gün əvvəl DİM-in rəsmi internet saytında yerləşdiriləcək.