Yeddinci çağırış Naxçıvan Muxtar Respublikası Ali Məclisinin 2026-cı il payız sessiyasının növbəti plenar iclası oktyabrın 22-də keçiriləcək.

"NAXÇIVANXƏBƏRLƏRİ" məlumat verir ki, iclasın gündəliyinə 4 məsələ daxil edilib.

Bunlar aşağıdakılardır:

1. “Naxçıvan Muxtar Respublikası Ali Məclisinin Daxili Nizamnaməsi”ndə dəyişiklik edilməsi haqqında qanun layihəsi (birinci oxunuş);

2. “Naxçıvan Muxtar Respublikası Ali Məclisinin komitələri haqqında” Qanunda dəyişiklik edilməsi barədə qanun layihəsi (birinci oxunuş);

3. “Normativ hüquqi aktlar haqqında” Naxçıvan Muxtar Respublikasının Qanununda dəyişiklik edilməsi barədə 2026-cı il 14 iyul tarixli Qanununda dəyişiklik edilməsi haqqında qanun layihəsi (birinci oxunuş);

4. Naxçıvan Muxtar Respublikası Ali Məclisinin Hüquq siyasəti komitəsinin üzvünün seçilməsi.