"Plan yerləri hələ ki, bizə məlum deyil. Amma bilirik ki, keçənilki səviyyədə olacaq".

"NAXÇIVANXƏBƏRLƏRİ" məlumat verir ki, bu sözləri Dövlət İmtahan Mərkəzinin İdarə Heyətinin sədri Məleykə Abbaszadə ASAN TV-yə müsahibəsində deyib.

"Keçən il, təxminən 60 minə yaxın plan yeri verilmişdi. 28 mini dövlət sifarişli yerlər idi. Bu, o deməkdir ki, həmin o yerlərdə oxuyan şəxslərin təhsil haqqı hökumət tərəfindən ödənilir, və bu rəqəmlər ildən-ilə artır. Faktiki olaraq, indi təqdim olunan yerlərin 50 faizi dövlət sifarişli yerlərdir", - deyə M. Abbaszadə vurğulayıb.