2026-cı ilin yanvar-sentyabr aylarında Naxçıvan Muxtar Respublikasında 28 276,7 kubmetr tikinti kərpici, 90,1 min ton sement, 1 757,7 ton əhəng, 37 931,8 ton sementdən və betondan kərpiclər və oxşar məmulatlar, 828,2 min kvadratmetr tikintidə istifadə etmək üçün gipsdən tavalar və bloklar, 28 474,0 ton asfalt, 10 330,8 ton emal edilmiş mərmər, 431,8 ton gips məmulatları və 65,0 min ton beton istehsal olunub.

Naxçıvan Muxtar Respublikası Dövlət Statistika Komitəsinin "NAXÇIVANXƏBƏRLƏRİ"-nə verdiyi məlumata əsasən, 2026-cı ilin yanvar-sentyabr aylarında muxtar respublikada, ümumilikdə, 26 milyon 521 min manatlıq tikinti materialları istehsal edilib. Bu göstərici ötən ilin müvafiq dövrü ilə müqayisədə 16,1% çoxdur.