Naxçıvan Muxtar Respublikasında (MR) üçüncü "Qərbi Azərbaycana qayıdış" festival-konqresi təşkil ediləcək.

"NAXÇIVANXƏBƏRLƏRİ" məlumat verir ki, üçüncü "Qərbi Azərbaycana qayıdış" festival-konqresi iyunun 18-19-da Naxçıvan MR-də Azərbaycan Respublikası Prezidentinin Səlahiyyətli Nümayəndəliyi, Elm və Təhsil Nazirliyi, Naxçıvan Dövlət Universiteti (NDU) və Qərbi Azərbaycan İcmasının (QAİ) birgə təşkilatçılığı ilə Ordubad şəhərində keçiriləcək.

Tədbirin konqres hissəsində alimlər, tədqiqatçılar və ictimai xadimlər Qərbi Azərbaycan həqiqətləri, tarixi irs və qayıdış perspektivləri haqqında çıxış edəcəklər.

Festival hissəsində isə milli-mədəni dəyərləri əks etdirən təqdimatlar, incəsənət nümunələri və birlik ruhu ön planda olacaq.