ABŞ Prezidenti Donald Tramp Sülh Şurasının ilk iclasından sonra yekun qətnaməni imzalayıb.

"NAXÇIVANXƏBƏRLƏRİ" məlumat verir ki, yekdilliklə qəbul edilən qətnamə Şuranın işinə rəhbərlik edəcək maliyyə bütövlüyü və şəffaflıq prinsiplərini müəyyən edir.

Prezident Tramp, sədr kimi, Şuranın kvorumunun iştirakı ilə qətnaməni imzalayıb: "İnanıram ki, bu, karyeramızda bəlkə də ən vacib günlərdən biridir. Biz Qəzzada nizam-intizam yaradacağıq, onu uğurlu, dinc və təhlükəsiz edəcəyik. Bəlkə də daha da irəli gedib dünyanın qaynar nöqtələrinə diqqət yetirəcəyik - bunun öhdəsindən asanlıqla gələ bilərik. Bu, güclü və parlaq insanların fantastik bir qrupudu. Qəzzanı uğur, təhlükəsizlik və birlik nümunəsinə çevirəcəyik", - Tramp görüşün sonunda deyib.

ABŞ prezidenti əlavə edib ki, BMT-nin böyük potensialı mövcuddur, lakin bu təşkilatın əhəmiyyətli dəstəyə ehtiyacı var: "Düşünürəm ki, bunu tezliklə etməyə başlayacağıq. Biz bu iş üzərində qətiyyətlə çalışacağıq və üzərində işləyəcəyik".