Naxçıvan Muxtar Respublikasının iqtisadiyyat naziri Kazım Hüseynəliyevin Ordubad rayonunda keçirilməsi nəzərdə tutulan vətəndaş qəbulunun vaxtı dəyişdirilib.

"NAXÇIVANXƏBƏRLƏRİ" məlumat verir ki, avqustun 11-nə planlaşdırılan qəbul avqustun 13-də saat 10:00-da keçiriləcək.

Qəbul 4 saylı Ərazi Vergilər İdarəsinin Ordubad şəhəri, H. Əliyev prospekti, 80A ünvanında yerləşən Vergi ödəyicilərinə xidmət mərkəzinin inzibati binasında baş tutacaq.

Vətəndaşlar qəbula yazılmaq üçün İqtisadiyyat Nazirliyinin (036) 544-00-60 (daxili 128) nömrəli telefonu və info@neconomy.gov.az elektron poçt ünvanı vasitəsilə müraciət edə bilərlər.