Aprelin 24-də Naxçıvan Təlim Mərkəzi Publik Hüquqi şəxsı NMR-da fəaliyyət göstərən 19 dövlət orqanını təmsil edən 40 məsul əməkdaş üçün xüsusi tərtib olunan “Rəhbərlər üçün İnkişaf Proqramı”na başlayır. 2 ay müddətində iştirakçılara liderlik yanaşmaları, strateji düşüncə, natiqlik, motivasiya, stresin idarə olunması, səlahiyyətlərin ötürülməsi, münaqişələrin effektiv idarə olunması və qərarvermə bacarıqları mövzusunda təlimlər keçiriləcək.

"NAXÇIVANXƏBƏRLƏRİ" məlumat verir ki, təlimləri uğurla başa çatdıran iştirakçılara müvəffəqiyyət sertifikatı təqdim olunacaq. Təlimçi “ASA-Azərbaycan Tədris Akademiyası”nın rəhbəri, ABŞ-ın “Beynəlxalq Liderlik Proqramı”nın məzunu. İlhamə Novruzova həm şəxsi, həm də komanda yönümlü liderlik bacarıqlarının inkişaf etdirilməsi istiqamətində maraqlı təcrübələri bölüşəcək. 

Qeyd edək ki, Naxçıvan Təlim Mərkəzi – Muxtar Respublika ərazisində dövlət qurumlarının əməkdaşlarının peşəkar inkişafı və gənclərin peşə bacarıqlarının artırılması məqsədilə ixtisaslaşdırılmış təlimlər və proqramlar həyata keçirən publik hüquqi şəxsdir.