Naxçıvan Muxtar Respublikasında istilik infrastrukturunun yenilənməsi istiqamətində işlər aparılacaq.

“NAXÇIVANXƏBƏRLƏRİ” məlumat verir ki, Prezident İlham Əliyevin imzaladığı Sərəncama əsasən, Naxçıvan, Şərur, Culfa və Ordubad şəhərlərində 122 yaşayış binasının 5 335 mənzilinə xidmət göstərən 45 istilik qazanxanasının əsaslı təmiri nəzərdə tutulur.

Bu məqsədlə müvafiq şəhər və rayon icra hakimiyyətlərinə 9 milyon manat vəsait ayrılıb.

Təmir işlərinin istilik təchizatının yaxşılaşdırılmasına və yaşayış binalarında kommunal xidmətlərin keyfiyyətinin yüksəldilməsinə imkan verəcəyi gözlənilir.