Naxçıvan Muxtar Respublikasında yerləşən Batabat Astrofizika Rəsədxanasının bazasında tematik turistik mərkəzin yaradılması istiqamətində işlərə başlanılıb.

"NAXÇIVANXƏBƏRLƏRİ" məlumat verir ki, layihə çərçivəsində rəsədxana üçün tematik turistik mərkəzin qurulmasına dair layihə-smeta sənədləri hazırlanır.

Qeyd edək ki, Batabat Astrofizika Rəsədxanası Naxçıvan Dövlət Universitetinin nəzdində fəaliyyət göstərir. Yeni mərkəzin elmi turizmin inkişafına və bölgəyə gələn turistlərin sayının artmasına töhfə verəcəyi gözlənilir.