Naxçıvanda ceyranlar təbiətə buraxılıb -

Naxçıvanda ceyranlar təbiətə buraxılıb - FOTO

18 Noyabr 2026

Naxçıvanda biomüxtəlifliyin qorunması, fauna ehtiyatlarının artırılması və ekoloji tarazlığın təmin olunması istiqamətində tədbirlər davam etdirilir.

"NAXÇIVANXƏBƏRLƏRİ" məlumat verir ki, Naxçıvan Muxtar Respublikasının Ekologiya və Təbii Sərvətlər Nazirliyi tərəfindən bu məqsədlə Arazboyu ərazidə ceyranlar təbii yaşayış mühitinə buraxılıb. Tədbir ceyranların sayının artırılması, təbii arealının genişləndirilməsi və bölgədə ekosistemin qorunmasına töhfə vermək məqsədi daşıyır.

Təbiətə buraxılan ceyranların yeni mühitə uyğunlaşması, təhlükəsizliyinin təmin olunması və populyasiyasının artırılması faunanın mühafizəsi baxımından mühüm əhəmiyyət kəsb edir. Bu cür tədbirlər regionun biomüxtəlifliyinin qorunmasına, nadir fauna növlərinin artırılmasına və təbii ekosistemlərin davamlılığının təmin edilməsinə xidmət edir.

https://www.instagram.com/naxcivanxeberleri.az/reel/Df4l652okhU/