Bu gün dünyada çox sayda psevdo qurumlar yaradılıb, onlara qarşı mübarizə gücləndirilməlidir.

"NAXÇIVANXƏBƏRLƏRİ" məlumat verir ki, bunu Milli Məclisin Səhiyyə komitəsinin sədri, akademik Əhliman Əmiraslanov Azərbaycan Milli Elmlər Akademiyasının 2025-ci il üzrə Ümumi yığıncağında deyib.

Deputat həmçinin hazırda elmi məktəb yaratmağın çətin olduğunu da bildirib:

"Bunu tədqiqatçılar da bilir. Hesab edirəm ki, istər AMEA-nın, istərsə də Elm və Təhsil Nazirliyinin tabeliyində elmi məktəblərə xüsusi diqqət yetirilməlidir. Mənim bununla bağlı narahatlıqlarım var".

Ə.Əmiraslanov eyni zamanda tibbi müalicə sahəsində elmi tədqiqatların gücləndirilməsini də məqsədəuyğun sayıb:

"Fikrimcə, təkcə psixoloji deyil, ümumi tibb sahəsində də tədqiqatlar aparılmalıdır".