Naxçıvanda yerləşən İlham Əliyev adına Olimpiya İdman Kompleksinin maddi-texniki bazası gücləndirilir, mövcud imkanlar genişləndirilir. Kompleksin trenajor sahəsi artıq yeni avadanlıqlarla təchiz olunub. Ümumilikdə 19 ədəd müxtəlif təyinatlı trenajor aləti quraşdırılıb ki, bu da idmançılar və sağlam həyat tərzini seçən vətəndaşlar üçün daha geniş və funksional məşq imkanları yaradır.

Naxçıvan Muxtar Respublikası Gənclər və İdman Nazirliyinin mətbuat xidmətindən "NAXÇIVANXƏBƏRLƏRİ"-nə verilən məlumata əsasən, yeni trenajorlar güc, kardio və funksional məşqləri əhatə edərək bədənin müxtəlif əzələ qruplarının inkişafı, dözümlülüyün artırılması və ümumi fiziki hazırlığın gücləndirilməsinə xidmət edir. Müasir avadanlıqlar effektiv məşq proqramlarının icrası üçün əlverişli şərait yaradır.

Sakinləri yeni yaradılan imkanlardan yararlanaraq sağlam həyat tərzini seçməyə və müasir şəraitdə idmanla məşğul olmağa dəvət edirik. Maraqlananlar 050 201 15 36 və (036) 545 42 65 nömrələri ilə əlaqə saxlaya bilərlər.