Azərbaycan Respublikası Mədəniyyət Nazirliyi və Naxçıvan Muxtar Respublikası Mədəniyyət Nazirliyinin tabeliyində fəaliyyət göstərən incəsənət məktəb və mərkəzlərinə 2026/2027-ci tədris ili üzrə təhsilalanların qəbulu üçün müraciət elan olunur.

"NAXÇIVANXƏBƏRLƏRİ" məlumat verir ki, qəbul prosesi vahid elektron sistem üzərindən və müsabiqə əsasında həyata keçiriləcək. Qəbul üçün müraciətlər 16 fevral – 18 mart 2026-cı il tarixlərində “MyCulture” vahid şəxsi kabineti vasitəsilə elektron qaydada təqdim olunmalıdır.

Qəbul prosesi aşağıdakı mərhələlərdən ibarətdir:

•  müraciət

•  qabiliyyət qiymətləndirilməsi

•  ixtisas və məktəb seçimi

•  yerləşdirmə və sənəd qəbulu

İmtahanların konkret tarixləri və  keçirilmə məkanı barədə məlumat namizədlərə şəxsi kabinet, elektron poçt və SMS bildiriş xidməti vasitəsilə təqdim ediləcək.

Qəbul aşağıdakı istiqamətlər üzrə aparılır:

•  musiqi

•  rəssamlıq

•  xoreoqrafiya

Namizədlər elektron müraciət zamanı həm ixtisas istiqamətini, həm də imtahan vermək istədikləri ərazini (şəhər və ya rayon) seçə bilərlər.

I sinfə qəbul üzrə yaş hədləri (dövlət sifarişli yerlərə)

7 illik təhsil üzrə:

• fortepiano və simli alətlər sinfi: 6–8 yaş

5 illik təhsil üzrə:

•  xalq çalğı, simli və nəfəs alətləri sinfi: 9–12 yaş

•  xanəndəlik və vokal 7–11 yaş

•  xoreoqrafiya: 6–10 yaş

4 illik təhsil üzrə:

• rəssamlıq: 8–12 yaş