Naxçıvanda Təhsil Nazirliyi ilə bp arasında əməkdaşlıq sazişi imzalanıb.

“NAXÇIVANXƏBƏRLƏRİ” məlumat verir ki, Naxçıvan Muxtar Respublikası Təhsil Nazirliyi ilə bp eksploreyşn (Kaspian Si) arasında əməkdaşlıq sazişi imzalanıb.

Aprelin 10-da nazirlikdə keçirilən görüşdə sənəd tərəflər arasında rəsmi şəkildə təsdiqlənib.

Təhsil naziri Elxan Nəcəfov bp ilə imzalanan sazişin əhəmiyyətini yüksək qiymətləndirib.

Nazir bildirib ki, bu təşəbbüs dövlət-özəl tərəfdaşlığı çərçivəsində nazirlik müstəvisində ilk addımdır.

Onun sözlərinə görə, əməkdaşlıq istedadlı şagirdlərin erkən aşkarlanması, onların beynəlxalq olimpiadalara hazırlanması, müəllimlərin peşəkar inkişafı və təhsil müəssisələrinin maddi-texniki bazasının gücləndirilməsi baxımından mühüm rol oynayacaq.

Müsahibəni hazırladı:

Nəzrin Umay