Naxçıvan şəhərində Məhərrəm ayının 10-cu günü – Aşura günü münasibətilə könüllü qanvermə aksiyaları təşkil olunacaq.

"NAXÇIVANXƏBƏRLƏRİ"-nin məlumatına görə, aksiyalar iyunun 25-də Naxçıvan şəhərində yerləşən üç məsciddə keçiriləcək. Könüllü qanvermə tədbirləri saat 09:00-dan 13:00-dək davam edəcək.

Qanvermə aksiyaları aşağıdakı ünvanlarda təşkil olunacaq:

Heydər Məscidi

Sarvanlar Məscidi

Pirqəmiş Məscidi

Qeyd edək ki, qanvermə aksiyalarının keçirilməsində məqsəd qan ehtiyatlarının artırılması və ehtiyacı olan insanların müalicəsinə dəstək göstərməkdir. Təşkilatçılar vətəndaşları bu humanist təşəbbüsə qoşulmağa çağırırlar.

Bildirilib ki, qanvermə aksiyalarında iştirak etmək insan həyatının xilasına töhfə vermək baxımından mühüm əhəmiyyət daşıyır. Bu nəcib təşəbbüsə qoşulmaq istəyən şəxslər qeyd olunan məscidlərə müraciət edə bilərlər.