Naxçıvan Muxtar Respublikasında payızlıq taxıl əkinlərinin sahəsi ötən ilin müvafiq dövrü ilə müqayisədə əhəmiyyətli dərəcədə artıb.

Naxçıvan Muxtar Respublikasının Kənd Təsərrüfatı Nazirliyindən "NAXÇIVANXƏBƏRLƏRİ"-nə məlumatına əsasən, muxtar respublika üzrə payızlıq taxıl əkinlərinin ümumi sahəsi 2025-ci ildəki 6 415,2 hektardan 2026-cı ildə 12 533,6 hektara çatıb. Beləliklə, əkin sahəsi 6 118,4 hektar və ya 95,4 faiz artıb.

Rayonlar üzrə göstəricilərə nəzər saldıqda, ən böyük artım Babək, Kəngərli və Culfa rayonlarında qeydə alınıb.

Belə ki, Babək rayonunda payızlıq taxıl əkinlərinin sahəsi 1 650,6 hektardan 4 310,9 hektara yüksələrək 2,6 dəfə, Kəngərli rayonunda 1 324 hektardan 2 221,5 hektara çataraq 1,7 dəfə artıb. Culfa rayonunda isə ötən il 224,7 hektar olan əkin sahəsi bu il 2 162,6 hektara yüksəlib. Bu, 9,6 dəfə artım deməkdir.

Qeyd edək ki, göstəricilər 13 noyabr 2026-cı il tarixinə olan rəsmi məlumatları əks etdirir.