Bolqarıstanın Samokov şəhərində güləş üzrə növbəti 15 və 17 yaşadək güləşçilərin Avropa çempionatı keçirilir. Yarışda ölkəmizi hər 3 güləş növü üzrə millimizin üzvləri təmsil edir.

"NAXÇIVANXƏBƏRLƏRİ" məlumat verir ki, U15 Avropa çempionatında beynəlxalq dərəcəli hakimlərimiz Sevinc Yusibova və Samil Fəttayevlə yanaşı, Naxçıvan Şəhər Uşaq-Gənclər və İdman Məktəbinin müəllimi, milli kateqoriyalı Nihad Muradov da ədaləti qoruyanlar sırasındadır.

Qeyd edək ki, karyerasında ilk dəfə belə bir nüfuzlu turnirdə iştirak şansı qazanan Nihad Muradov 6 ilə yaxındır ki, milli kateqoriyalı hakim kimi fəaliyyət göstərir, Azərbaycan çempionatları və birinciliklərinin görüşlərində ədalət təmsilçisi kimi çıxış edir.