Naxçıvan Muxtar Respublikasında yaşayış binalarının əsaslı təmiri və fasadlarının yenilənməsi həyata keçiriləcək.

“NAXÇIVANXƏBƏRLƏRİ” məlumat verir ki, Prezident İlham Əliyevin imzaladığı Sərəncama əsasən, Naxçıvan, Şərur, Culfa, Ordubad və Şahbuz şəhərlərində ümumilikdə 2 164 mənzilli 92 yaşayış binasının tam əsaslı təmiri nəzərdə tutulur.

Bundan başqa, Naxçıvan, Culfa və Şərur şəhərlərində 3 087 mənzilli 70 yaşayış binasının yalnız fasad hissəsi əsaslı təmir ediləcək.

Bu məqsədlə müvafiq şəhər və rayon icra hakimiyyətlərinə 15 milyon manat vəsait ayrılıb.