Sual: Barəsində ictimai işlər tətbiq edilən şəxslər hansı işlərə cəlb edilə bilərlər?

Cavab: Azərbaycan Respublikası Nazirlər Kabinetinin 17 oktyabr 2017-ci il tarixli 438 nömrəli Qərarı ilə təsdiq edilmiş Qaydalara əsasən, barəsində ictimai işlər tətbiq edilən şəxslər aşağıdakı işlərə cəlb edilə bilərlər:

Abadlaşdırma və təmizlik: Şəhər və rayon ərazisinin, küçə, park, meydan və yolların təmizlənməsi, yaşıllaşdırılması, qar və yağış sularının fəsadlarının aradan qaldırılması;

Məişət tullantıları ilə iş: Tullantıların yığılması, çeşidlənməsi, daşınması, utilizasiyası və zərərsizləşdirilməsi;

Tikinti və təmir: Xəstəxanaların, məktəblərin, bağçaların, yataqxanaların və digər sosial obyektlərin tikintisi və təmiri işləri;

Kənd təsərrüfatı: Müvafiq müəssisələrə kömək göstərilməsi;

Fövqəladə hallar: Təbii fəlakətlərin nəticələrinin aradan qaldırılması və digər ictimai əhəmiyyətli işlər.

Sualı cavablandırdı: Şərur rayon prokurorunun köməkçisi vəzifəsi üzrə stajor - Nazlı İsmayılzadə