Ordubad hamamının bərpası işləri aparılacaq.

Bu barədə "NAXÇIVANXƏBƏRLƏRİ" Naxçıvan Muxtar Respublikası Mədəniyyət Nazirliyindən məlumat əldə edib.

Belə ki, qurum bununla əlaqədar müvafiq hazırlıq işlərinə başlayıb.

İlk növbədə bərpa üzrə layihə-smeta sənədlərinin hazırlanması işləri həyata keçiriləcək.

Qeyd edək ki, hamam Ordubad şəhərinin mərkəzində, Came məscidinin yaxınlığında yerləşir. XVIII-XIX əsrlərə aid Şərq memarlıq üslubunda inşa olunmuş bu hamamın ümumi sahəsi 483 kvadratmetrdir. XVIII-XIX əsrlərə aid edilən abidədə 2009-cu ildə bərpa işləri aparılıb.