Naxçıvan Muxtar Respublikası Gənclər və İdman Nazirliyinin təşkilatçılığı ilə “Zərərli vərdişlərə yox deyək, həmişə sağlam olaq!” devizi altında velosiped yarışı keçiriləcək.

Naxçıvan Muxtar Respublikası Gənclər və İdman Nazirliyinin mətbuat xidmətindən "NAXÇIVANXƏBƏRLƏRİ"-nə verilən məlumata əsasən, yarış 18 noyabr saat 11:00-da başlanacaq. Marşrut Heydər Əliyev Muzeyinin qarşısından start götürərək Uzunoba gölünün ətrafında təyin olunmuş finiş nöqtəsinədək davam edəcək. Ümumi məsafə 10 kilometr təşkil edir.

Yarışda 14 yaşdan yuxarı qadın və kişilər iştirak edə bilərlər. Qeydiyyat prosesi artıq başlayıb. Qeydiyyat və ətraflı məlumat üçün 036 544 50 79 nömrəsi ilə əlaqə saxlanılması xahiş olunur.

Tədbirin məqsədi əhali arasında sağlam həyat tərzinin təbliği, fiziki fəallığın artırılması və zərərli vərdişlərdən uzaq qalmağın vacibliyinə diqqət çəkmək, eyni zamanda ekoloji təmiz nəqliyyat vasitəsi kimi velosipedə marağın artırılmasıdır.