Azərbaycan son illərdə öz milli maraqlarına əsaslanan, müstəqil və prinsipial siyasət yürüdür. Ölkəmiz heç bir xarici gücün diqtə və təzyiqinə şərait yaratmadan, öz dövlət maraqlarını rəhbər tutaraq siyasi kursunu inamla davam etdirir.

Azərbaycanın beynəlxalq münasibətlər sistemində əsas prinsiplərindən biri beynəlxalq hüququn fundamental normalarına hörmət etməkdir. Biz bütün dövlətlərin müstəqilliyinə və ərazi bütövlüyünə hörmətlə yanaşırıq və eyni münasibətin Azərbaycanın müstəqilliyinə və suverenliyinə göstərilməsini tələb edirik.

Bu gün hər bir vətəndaş dövlətçiliyimizə və milli maraqlarımıza qarşı yönələ biləcək çağırışlara ayıq-sayıq yanaşmalıdır. Cəmiyyətimizdə milli nifrət və qarşıdurma toxumlarının səpilməsinə, Azərbaycan əleyhinə sərt və təxribat xarakterli ritorikanın formalaşdırılmasına yol verməməliyik. Belə hallarda öz mövqeyimizi vaxtında və qətiyyətlə ifadə etmək hər birimizin vətəndaşlıq borcudur.

Azərbaycanın müstəqil siyasi kursu xalqımızın iradəsinə söykənir. Bu kursun qorunması üçün cəmiyyətin bütün üzvlərinin həmrəyliyi və dövlətçilik mövqeyi mühüm əhəmiyyət daşıyır. Biz ölkəmizin müstəqilliyinə, suverenliyinə və milli maraqlarına qarşı yönələn hər hansı təhdidə biganə qalmamalıyıq.

Müstəqilliyimiz böyük qurbanlar və şəhidlərimizin canı, qanı bahasına əldə olunub. 20 Yanvar şəhidlərinin, Vətən müharibəsində və Azərbaycanın ərazi bütövlüyü uğrunda həyatını itirən qəhrəmanlarımızın əziz xatirəsi dövlət müstəqilliyimizi qorumağın nə qədər böyük məsuliyyət olduğunu bizə daim xatırladır.

30 ilə yaxın müddətdə işğal altında qalan torpaqlarımızın azad edilməsi Azərbaycan xalqının milli iradəsinin və dövlətimizin gücünün tarixi təcəssümüdür. Ali Baş Komandanın rəhbərliyi ilə Azərbaycan Ordusunun qazandığı Zəfər dövlətimizin öz təhlükəsizliyini və suverenliyini qorumaq əzmində olduğunu bütün dünyaya nümayiş etdirdi.

Bu gün də ölkəmizin təhlükəsizliyinə və dövlətçiliyinə qarşı hər hansı təhdidə qarşı birlik nümayiş etdirməliyik. Siyasi mövqeyimiz aydındır: Azərbaycan öz milli maraqlarına uyğun müstəqil siyasət yürütməkdə davam edəcək.

Biz başqa dövlətlərin daxili işlərinə və müstəqilliyinə hörmətlə yanaşırıq. Eyni zamanda, heç bir dövlətin də Azərbaycanın müstəqil siyasi iradəsinə və milli maraqlarına müdaxilə etməsinə imkan verməməliyik.

Azərbaycanın mövqeyi beynəlxalq hüququn fundamental prinsiplərinə əsaslanır. Biz bütün dövlətlərin suverenliyinə və müstəqilliyinə hörmət edirik və öz müstəqilliyimizə də eyni hörmətin göstərilməsini tələb edirik.

Müstəqilliyimizi qorumaq yalnız dövlətin deyil, hər bir vətəndaşın məsuliyyətidir. Birliyimizi, həmrəyliyimizi və dövlətçilik mövqeyimizi qoruduğumuz müddətdə heç bir xarici təzyiq və təhdid Azərbaycanın inkişaf yoluna mane ola bilməz.

Yaşasın müstəqil Azərbaycan!

Yaşasın Azərbaycan xalqının birliyi və dövlətçiliyi!

Nicat Allahverdiyev

müəllim