Naxçıvanın xarici ticarət dövriyyəsi 22,5 faiz artıb

"NAXÇIVANXƏBƏRLƏRİ" Naxçıvan Muxtar Respublikası Dövlət Statistika Komitəsinə istinadən xəbər verir ki, 2026-cı ilin yanvar-iyun aylarında muxtar respublikanın xarici ticarət dövriyyəsi 70 milyon 470 min 950 ABŞ dolları təşkil edib.

Xarici ticarət dövriyyəsinin 6 milyon 649 min 400 ABŞ dollarını və ya 9,4 faizini ixrac, 63 milyon 821 min 550 ABŞ dollarını və ya 90,6 faizini isə idxal məhsulları təşkil edib.

2025-ci ilin müvafiq dövrü ilə müqayisədə xarici ticarət dövriyyəsi 22,5 faiz, o cümlədən idxal 23,4 faiz, ixrac isə 14,4 faiz artıb.