Sual: Qəyyumluqda (himayədə) olan uşaqların hansı hüquqları vardır?

Cavab: Azərbaycan Respublikasının Ailə Məcəlləsinin 139-cu maddəsinə əsasən, Mülki Məcəllədə nəzərdə tutulan hallar istisna olmaqla, qəyyumluqda (himayədə) olan uşaqlar aşağıdakı hüquqlara malikdirlər:

qəyyumun (himayəçinin) ailəsində yaşamaq, tərbiyə almaq və onların qayğısı ilə əhatə olunmaq;

saxlanma, tərbiyə, təhsil, hərtərəfli inkişaf və insan ləyaqətinə hörmət edilməsi üçün zəruri şəraitlə təmin olunmaq;

onlara düşən pensiya, müavinət, aliment və digər sosial ödənişləri almaq;

yaşadıqları ev (mənzil) üzərində mülkiyyət və ya istifadə hüququnu qoruyub saxlamaq, mənzil olmadıqda isə qanunvericiliyə uyğun yaşayış sahəsi ilə təmin olunmaq.

Sualı cavablandırdı: Şahbuz rayon prokurorunun köməkçisi, III dərəcəli hüquqşünas - Yaqub Salamzadə.