Azərbaycanda ötən həftə 3 nəfərin meyiti tapılıb.

"NAXÇIVANXƏBƏRLƏRİ" məlumat verir ki, bu barədə Fövqəladə Hallar Nazirliyinin (FHN) ötənhəftəki xronikasında qeyd edilib.

Ötən həftə ərzində 412 yanğına çıxış, 35 halda köməksiz vəziyyətdə qalma və 3 avtonəqliyyat qəzası faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.

Nazirliyin qüvvələri tərəfindən ötən həftə ərzində 8-i azyaşlı olmaqla 41 nəfər xilas edilib, 14 nəfər təxliyə olunub, 3 nəfərin meyiti təhvil verilib.